СОНГОГЧИЙН ӨДӨРЛӨГ ЗОХИОН БАЙГУУЛАГДАНА.
Дорноговь аймгийн Сайншанд сумын Сонгуулийн хорооноос 2024.09.27-ны өдөр 11:00-17:00 цагийн хооронд Хүүхдийн ордон /8.1.9 дүгээр хэсгийн хороо/-д сонгогчдод Орон нутгийн сонгуулийн тааар мэдээ мэдээлэл хүргэх, саналын хуудасны загвар танилцуулах зорилгоор "Сонгогчийн өдөрлөг"-ийг зохион байгуулна.
Өдөрлөгийн үеэр Сонгуулийн хороодын гишүүд орон нутгийн сонгуулийн онцлог, ач холбогдол, 2024 оны 10 дугаар сарын 11-нд болох Аймаг, нийслэл, сум, дүүргийн иргэдийн Төлөөлөгчдийн Хурлын ээлжит сонгуулийн үйл ажиллагааны зохион байгуулалт, санал авах, тоолох үйл ажиллагааны талаар иргэдэд мэдээлэл өгнө. Түүнчлэн санал тоолох автомат төхөөрөмжийн ажиллагаа, саналын хуудасны загварыг мэдээллийн технологийн багийнхан тайлбарлаж, сургалтын саналын хуудаст санал тэмдэглэж, төхөөрөмжид уншуулж, турших ажлыг зохион байгуулна.
