НУТГИЙН ӨӨРӨӨ УДИРДАХ БАЙГУУЛЛАГЫН ТҮҮХТ 30 ЖИЛИЙН ОЙН БАЯРЫН ХУРАЛ БОЛЛОО
НУТГИЙН ӨӨРӨӨ УДИРДАХ БАЙГУУЛЛАГЫН ТҮҮХТ 30 ЖИЛИЙН ОЙН БАЯРЫН ХУРАЛ БОЛЛОО
Монгол Улсын Үндсэн шинэ үндсэн хуулийг дагаж мөрдөж эхэлсэн өдрөөс нутгийн өөрийн удирдлагын байгууллагын шинэ тогтолцоо бий болж өнөөдөр түүхт 30 жилийн ойгоо тэмдэглэж байгаад баяр хүргэж Сайншанд сумын Засаг дарга бөгөөд хотын Захирагч Ч.Түвшинтөр хүндэтгэлийн хуралдаанд оролцож “...Монгол Улсынхаа шинэ үеийн хөгжлийг тодорхойлогч Сайншанд хотын маань нүүр царай сүүлийн жилүүдэд эрс өөрчлөгдөн, бүтээн байгуулалтын ажил хөдөлмөр эрч хүчтэй өрнөж, иргэдэд төрийн үйлчилгээг хөнгөн шуурхай, хүртээмжтэй хүргэх боломжийг эрс сайжруулсаны үр дүнд оршин суугчдын ая тухтай, сэтгэл хангалуун амьдрах, ажиллах орчин, нөхцөл нэмэгдүүлж буйд нутгийн өөрөө удирдах байгууллага, эрхэм хүндэт төлөөлөгч та бүхний үүрэг, оролцоо нэн чухал байсныг онцлон хэлэхийг хүсч байна.
Бидний хамтын дэвшүүлсэн бодлогын зорилт маань үр өгөөжөө өгч гадаад, дотоодын томоохон хөрөнгө оруулалтаар орон нутагт маань томоохон төсөл хөтөлбөр хэрэгжиж, Улсын болон аймаг, сум, хувийн хэвшлийн хөрөнгө оруулалтаар иргэдийн ая тухтай орчинд амьдрах нөхцөлийг нэмэгдүүлсэн нь Сайншанд сумыг зорих хүн амын төвлөрөл сүүлийн жилүүдэд эрс өсч эдүгээ 35.6 хувиар өссөн үзүүлэлттэй байна.
Өнөөдрийн байдлаар Сайншандад маань 2022 онд
- Улсын төсвийн 5,438,700.0 сая төгрөгийн хөрөнгө оруулалтаар Хүүхдийн парк
- Улсын төсвийн 4,399,893.2 сая төгрөгийн хөрөнгө оруулалтаар 60 ортой ахмадын сувилал
- Улсын төсвийн 2,571,034.9 сая төгрөгийн хөрөнгө оруулалтаар Говийн бүсийн ахмад настны төрөлжсөн асрамжийн газар
- Улсын төсвийн 16,705,483.8 сая төгрөгийн хөрөнгө оруулалтаар Саран хөхөө театрын барилга
- Улсын төсвийн 3,000,000.0 сая төгрөгийн хөрөнгө оруулалтаар Сургуулийн барилгын өргөтгөл /320 хүүхдийн/
- Орон нутгийн хөгжлийн сангийн 7,722,611.1 сая төгрөгийн хөрөнгө оруулалтаар 640 хүүхдийн сургуулийн барилга
- Орон нутгийн хөгжлийн сангийн 2,665,865.0 сая төгрөгийн хөрөнгө оруулалтаар Халдвартын эмнэлэг
- Хүүхдийн “Жаргалан зуслан” зэрэг томоохон бүтээн байгуулалтын ажил хийгдэж, эхнээс нь ашиглалтад ороод байгааг тэмдэглэн хэллээ.
Иргэдийнхээ ая тухтай орчинд амьдрах нөхцөлийг бүрдүүлэх чиглэлээр хэрэгжүүлж буй төсөл хөтөлбөр, санал санаачилгыг дэмжин хотынхоо хөгжил цэцэглэлтийн төлөө хамтдаа хөдөлмөрлөж буй Сайншанд хотын нийт иргэдийн төлөөлөл болсон нутгийн өөрөө удирдах байгууллага, эрхэм төлөөлөгч бүхэндээ баярласнаа илэрхийлж, түүхт 30 жилийн баярын мэндийг дахин дэвшүүлье.
