САЙНШАНД СУМЫН БОЛОВСРОЛЫН БАЙГУУЛЛАГЫН УДИРДЛАГУУДТАЙ УУЛЗАЛТ ЗОХИОН БАЙГУУЛЛАА.
Сайншанд сумын Засаг даргын Тамгын газраас төрөөс хэрэгжүүлж буй бодлогын баримт бичгийн хэрэгжилтийг хангах, боловсролын салбарт хэрэгжүүлж буй төсөл арга хэмжээг танилцуулах, сумын хэмжээнд хийгдэх ажлын талаар товч мэдээ мэдээллийг өгөх зорилгоор /2024.09.18/ Ерөнхий боловсролын сургуулийн захирал, цэцэрлэгийн эрхлэгч нарын уулзалтыг зохион байгуулж, Сайншанд сумын Засаг дарга Ч.Түвшинтөр, сумын Иргэдийн хурлын нарийн бичгийн дарга Д.Энхтайван нар мэдээлэл, чиглэл үүрэг өглөө.
Уулзалтын хүрээнд, “Монгол бичгийн үндэсний хөтөлбөр III”-ийн хэрэгжилтийг хангах, төрийн албан хаагчдын монгол бичгийн мэдлэгийг дээшлүүлэх, 2025 оноос төрийн албыг хослон явуулах бэлтгэл ажлыг хангах, иргэд олон нийтэд үндэсний бичгийг сурталчлах, түгээн дэлгэрүүлэх ажлын хүрээнд сумын Засаг даргын Тамгын газраас зохион байгуулсан “ЭХ ХЭЛ, БИЧИГ СОЁЛОО ДЭЛГЭРҮҮЛЬЕ” уралдааны шагналыг гардууллаа.
1-р байр Сайншанд сумын ерөнхий боловсролын 3 дугаар сургууль
2-р байр Сайншанд сумын ерөнхий боловсролын 1 дүгээр сургууль тус тус шалгарлаа.
