ISO 9001:2015 МАГАДЛАХ АУДИТ ХИЙЛЭЭ.
Сайншанд сумын Засаг даргын Тамгын газар нь 2023 онд Чанарын менежментийн тогтолцооны олон улсын ISO 9001:2015 стандартыг хэрэгжүүлэн "MonCertf" ХХК-аар баталгаажуулалт хийлгэн 3 жилийн хугацаатай гэрчилгээжсэн юм.
Тус стандартыг нэвтрүүлснээр иргэдийн сэтгэл ханамжид суурилсан төрийн үйлчилгээний төгөлдөршлийг бүтээж, нийтийн эрх ашгийг дээдлэн ажиллах, стандартын шаардлагад нийцүүлж, чанарын менежментийн тогтолцооны хэрэгжилтийн тогтвортой байдлыг хангаж, байнгын сайжруулалт хийж байгаа бөгөөд албан хаагчид, ажилчдын мэдлэг, ур чадварыг дээшлүүлэх, бүтээмжийг нэмэгдүүлэх чиглэлээр 2024.04.25-26-ны өдрүүдэд магадлах аудитыг хийлээ.
Магадлах аудитын хаалтын хурлаар тохирол 28, давуу тал 4, сайжруулах санал 4, анхаарах асуудал, жижиг болон том үл тохиролгүй гэсэн дүгнэлтийг Тэргүүлэх аудитор Т.Гэрэлмаа танилцуулж, магадлах аудитыг амжилттай зохион байгууллаа.
Магадлах аудит нь:
● Байгууллагын менежментийн тогтолцоог бүхэлд нь эсвэл зарим хэсгийг аудитын шалгуур үзүүлэлттэй нийцэж байгааг тодорхойлох;
● Байгууллага хэрэглэгчийн болон холбогдох хууль эрх зүйн, зохицуулалтын, гэрээний шаардлагыг хангаж байгаа эсэхэд менежментийн тогтолцооны чадавхийг үнэлэх;
● Байгууллага тогтоосон зорилтоо байнга биелүүлэхийн тулд менежментийн тогтолцооны үр нөлөөтэй байдлыг үнэлэх;
● Боломжтой бол менежментийн тогтолцоог сайжруулж болох хэсгүүдийг тодорхойлох зорилгоор хийгдсэн юм.
