ХИЧЭЭЛИЙН ШИНЭ ЖИЛД 1700 СУРАГЧ 1-Р АНГИД ОРЛОО
ХИЧЭЭЛИЙН ШИНЭ ЖИЛД 1700 СУРАГЧ 1-Р АНГИД ОРЛОО
ЕБ-ын сургууль, цэцэрлэгүүдийн 2022-2023 оны хичээлийн шинэ жилийн нээлтийн арга хэмжээнд Боловсрол шинжлэх ухааны сайдын 2022 оны 08 сарын 17-ны өдрийн А/289 дүгээр тушаалын дагуу Эзэн Богд Чингис хааны эш хөргийг сургуульд дээдлэн залах, Монгол улсын ерөнхийлөгчийн 2022 оны 07 сарын 11-ний өдрийн “Эзэн Богд Чингис хааны эш хөргийг хүндэтгэн залах тухай” 159 дүгээр зарлиг танилцуулан Их хааны үйл хэргийг алдаршуулах арга хэмжээг зохион байгууллаа.Сайншанд сумын Засаг дарга бөгөөд хотын Захирагч Ч.Түвшинтөр аймгийн ууган сургууль болох ЕБ-ын 1-р сургуулийн нээлтэд оролцож Монгол Улсын Ерөнхийлөгчийн зарлигыг танилцуулан Чингис хааны эш хөргийг хүндэтгэн заллаа.Сайншанд сумын хэмжээнд 2022-2023 оны хичээлийн жилд 14 цэцэрлэгт 2150 хүүхэд сургуулийн өмнөх боловсрол эзэмшиж, нэгдүгээр ангид 1700 хүүхэд элсэн орж, ерөнхий боловсролын 5 бүрэн дунд сургуульд 7267 сурагч суралцаж байна.
