САЙНШАНД СУМЫН ЗАСАГ ДАРГЫН ТАМГЫН ГАЗАР ISO 9001:2015 ЧАНАРЫН МЕНЕЖМЕНТИЙН ТОГТОЛЦООНЫ СТАНДАРТЫН ГЭРЧИЛГЭЭГЭЭ АВЛАА
![САЙНШАНД СУМЫН ЗАСАГ ДАРГЫН ТАМГЫН ГАЗАР ISO 9001:2015 ЧАНАРЫН МЕНЕЖМЕНТИЙН ТОГТОЛЦООНЫ СТАНДАРТЫН ГЭРЧИЛГЭЭГЭЭ АВЛАА](https://sainshand.do.gov.mn/home/uploads/images/2023/09/image_750x_650beebfed755.jpg)
Сумын Засаг даргын "Хөгжлийн төлөө хамтдаа - 2" үйл ажиллагааны хөтөлбөрийн зорилтын хүрээнд байгууллагын Алсын хараа, Эрхэм зорилго, Үнэт зүйл, Төрийн үйлчилгээний чанарын бодлогыг хэрэгжүүлэх зорилгоор 2023.01.24-04.24-нийг хүртэл 3 сарын хугацаанд Олон улсын ISO 9001:2015 Чанарын менежментийн тогтолцоог нэвтрүүлэх ажлыг эхлүүлж, байгууллагын 13 нэгж, 107 албан хаагчдыг хамруулсан билээ.
ISO 9001: 2015 Чанарын менежментийн тогтолцоо стандартын шаардлагыг үйл ажиллагаандаа нэвтрүүлэх, өөрсдөө бие даан дотоод аудитыг хийж гүйцэтгэхэд шаардагдах мэдлэг, ур чадварыг олгох зорилгоор 2022 оны 12 сард 6 албан хаагчийг, 2023 оны 3 сард 2 албан хаагчийг дотоод аудиторын сургалтад хамруулж 8 дотоод аудитортой болж төслийн баг, дэд бүлгүүдийн хүрээнд хэрэгжүүлсэн. Үүнд Сайншанд сумын ЗДТГ нь
- Байгууллагын үйл ажиллагаанд swot ба pestle шинжилгээг хийсэн.
- Эрсдлээс сэргийлэх боломжид чиглэсэн үйл ажиллагааны төлөвлөгөөг боловсруулан 88 эрсдлийг тодорхойлж, сайжруулах 99 арга хэмжээг боловсруулан сумын ЗДТГ-ын даргаар батлуулж ажиллаж байна.
- Байгууллагын хэмжээний Харилцаа холбооны матрицыг гарган ажиллаж байна.
- Байгууллагаас үзүүлж буй үйлчилгээний үйл ажиллагааг PDCA агуулгын хүрээнд процесжуулах, зураглах ажлын хүрээнд үйлчилгээний 178 үйл явцыг 55 журам болгож батлав.
- Байгууллагын хэмжээнд чанарын менежментийн тогтолцооны дотоод ауидитыг хийж, тайланг нийт албан хаагчдад танилцууллаа.
- Сумын Засаг даргын Тамгын газрын даргын 2023 оны А/10 дугаар тушаалаар ISO 9001:2015 чанарын менежментийн тогтолцоог нэвтрүүлэх төслийн хүрээнд:
- Үл тохирлыг илрүүлэх дэд баг
- Бүтээмжийн дэд багийг байгуулж зорилт тус бүрт гүйцэтгэлийг хангаж ажиллалаа.
Монгол улсын хөгжлийн стратеги чиг хандлагад нийцүүлэн Дорноговь аймгийн Сайншанд сумын харьяа төсвийн байгууллагуудад олон улсын чанарын менежментийн тогтолцоог бий болгох, мэдээллийн ил тод байдлыг нэмэгдүүлэх, төрийн үйчлилгээг чанартай, хүртээмжтэй хүргэхэд олон улсын стандартуудыг үйл ажиллагаандаа хэрэгжүүлэхэд дэмжлэг үзүүлэх зорилгоор Олон улсын ISO 9001:2015 чанарын менежментийн тогтолцоог нэвтрүүлэх үе шатуудыг амжилттай хэрэгжүүлснээр 2023.05.09-10ны өдрүүдэд анхдагч баталгаажуулалтын аудитыг хийлгэж хангалттай үнэлгээг авч, өнөөдөр /2023.09.15/ Чанарын менежментийн тогтолцооны Стандартын гэрчилгээгээ гардан авлаа.