САЙНШАНД СУМЫН ЗАСАГ ДАРГЫН ТАМГЫН ГАЗАРТ НЭВТРҮҮЛЖ БУЙ ЧАНАРЫН МЕНЕЖМЕНТИЙН ТОГТОЛЦООНЫ ТАЛААР ТУРШЛАГА ХУВААЛЦЛАА
Дорноговь аймгийн Засаг даргын тамгын газар төрийн ажил үйлчилгээнд чанарын менежментийн тогтолцоог нэвтрүүлэхээр өнөөдөр /2023.03.07/ хамтын ажиллагааны гэрээ байгуулах, төрийн байгууллагын албан хаагчдад мэдээлэл өгөх форумыг зохион байгуулж байна.
Энэхүү үйл ажиллагаанд Сайншанд сумын Засаг дарга Ч.Түвшинтөр “Эрүүл аюулгүй хот болоход Хөгжлийн төлөө хамтдаа” илтгэл, ЗДТГ-ын дарга Г.Тунгалагтуяа “Сумын Засаг даргын Тамгын газарт олон улсын чанарын менежментийн тогтолцоо нэвтрүүлж буй байдал, ач холбогдол” сэдвээр мэдээлэл өгч, туршлага хуваалцлаа.
Сумын Засаг даргын “Хөгжлийн төлөө хамтдаа-2” үйл ажиллагааны хөтөлбөрийн хүрээнд төрийн ажил үйлчилгээг түргэн шуурхай хүргэх, иргэдийн сэтгэл ханамжид суурилсан төрийн алба, үйлчилгээг бий болгоход чиглэсэн чанарын менежментийн тогтолцоо нэвтрүүлэх ажил 2022 оны 10 дугаар сард эхэлж, өнөөдрийг хүртэл сумын ЗДТГ-ын тасаг, нэгжүүдэд явагдаж байна.
