САЙНШАНД СУМЫН ТӨРИЙН ЗАХИРГААНЫ БАЙГУУЛЛАГА, АЛБАН ТУШААЛТАНД ХАНДАЖ ИРҮҮЛСЭН 2023 ОНЫ ЖИЛИЙН ЭЦСИЙН ӨРГӨДӨЛ, ГОМДЛЫН ТАЙЛАН

Засаг даргын Тамгын газар болон харьяа төсвийн байгууллагад бичгээр болон утсаар /амаар/ ирүүлсэн өргөдөл гомдлыг “Иргэдээс төрийн байгууллага, албан тушаалтанд гаргасан өргөдөл гомдлыг шийдвэрлэх тухай хууль”, Монгол Улсын
Засгийн газрын 2005 оны 67 дугаар тогтоол, Сайншанд сумын Засаг даргын 2017 оны А/213 дугаар захирамжаар батлагдсан “Өргөдөл гомдол шийдвэрлэх журам”-ын дагуу хүлээн авч шийдвэрлэсэн.
Засаг даргын Тамгын газар болон харьяа төсөвт байгууллагад 956 өргөдөл, гомдол ирүүлсэнийг судлан, 901 буюу 94,2% өргөдлийг зохих журмын дагуу шийдвэрлэн хариуг өгсөн бөгөөд шийдвэрлэх хугацаа болоогүй 55 өргөдөл
судлагдаж байна.
Шийдвэрлэх хугацаа хоцроосон болон шийдвэрлэх хугацааг сунгасан өргөдөл гомдол байхгүй.
Өргөдөл гомдол ирүүлсэн байгууллагаар нь ангилж үзвэл:
✓ Засаг даргын Тамгын газарт-733
✓ Багуудад-121
✓ Харьяа байгууллагуудад - 102
Сумын Засаг даргын Тамгын газарт 2023 онд IV улиралд 733 иргэний өргөдөл, гомдол хүсэлтийг хүлээн авч, хууль тогтоомжийн дагуу 708 буюу 96,5 хувийг шийдвэрлэж, шийдвэрлэх хугацаа болоогүй 25 өргөдөл судлагдаж байна. Засаг
даргын Тамгын газрын өргөдөл гомдлын шийдвэрлэлтийн дундаж хугацаа 7 өдөрт шийдвэрлэсэн. Өмнө оны тайлант хугацаатай харьцуулахад шийдвэрлэлтийн дундаж хугацаа 1 өдрөөр буурсан.
Засаг даргын Тамгын газар болон харьяа төсөвт байгууллагад ирүүлсэн өргөдлийн ангилал:
1. Ажилд орох, ажлаас чөлөөлөгдөх, чөлөө хүссэн- 356 буюу 37,2%
2. Газар өмчлөл, эзэмшилтэй холбоотой асуудлаар- иргэн 298 буюу 31,2%
3. Техникийн нөхцөл гаргуулах хүсэлт- 102 иргэн буюу 10,6%
4. Тэмдэгтийн хураамж – 51 иргэн буюу 5,3%
5. Бусад- 149 буюу 30,5%
Сумын харьяа төсвийн байгууллага Захирагчийн ажлын албанд 2, 6 дугаар багийн ажлын алба 1, Газрын даамалд 1 нийт 4 гомдол ирсэнийг хянан судалж, шийдвэрлэсэн.
Сумын харьяа байгууллагын өргөдөл гомдлын тоо өмнөх улирлынхаас буурсан үзүүлэлттэй байгаа энэ нь Ерөнхий боловсролын сургууль, цэцэрлэгийн томилох эрх бүхий албан тушаалтан аймгийн Боловсролын газар луу шилжсэнтэй холбоотой.
“Сайншанд сонсож байна “70523737” утсыг тогтмол ажлуулж 73 иргэний санал, сэтгэгдлийг хүлээн авч, тухай бүрт нь шийдвэрлэж ажилласан.