"ЭКО ХОТ - 2022" ЗОРИЛТОТ ЖИЛИЙН НЭЭЛТИЙН АРГА ХЭМЖЭЭ ЗОХИОН БАЙГУУЛАГДЛАА
Монгол улсын Ерөнхийлөгчийн санаачлагаар хэрэгжиж буй Тэрбум үндэсний хөдөлгөөн, Сайншанд сумын Засаг даргын "Хөгжлийн төлөө хамтдаа-2” хөтөлбөрийн хүрээнд “Эко хот – 2022” зорилтот жилийн нээлт боллоо. Сайншанд сумын Засаг дарга бөгөөд хотын Захирагч Ч.Түвшинтөр хотынхоо нийт иргэддээ хандаж "Тэрбум мод” үндэсний хөдөлгөөний хүрээнд Сайншанд сум 2030 он гэхэд 4 сая мод тарьж, ургуулах зорилт тавьсан, 2022 онд нийт 400 гаруй мянган мод тарих төлөвлөгөөтэй бөгөөд тарих 9 байршилд нийт 90 га газрын байршлыг хот хөгжлийн төлөвлөгөөнд тусган хэрэгжүүлж байна.Сайншанд сумын хог хаягдлын менежментийг сайжруулах зорилгоор хог хаягдлыг анхдагч үүсгэвэр дээр нь ангилах, ялгах ажлыг иргэд болон аж ахуйн нэгж байгууллагуудын оролцоотойгоор үе шаттайгаар зохион байгуулах бөгөөд зорилтот жилийн хүрээнд зохион байгуулж буй арга хэмжээнд идэвхтэй хамрагдахыг уриаллаа". Мөн өдөрлөгийн арга хэмжээний үеэр нутаг дэвсгэрийн хэмжээнд үйл ажиллагаа эрхэлж буй зарим аж ахуйн нэгж, байгууллагын төлөөлөлтэй "Тэрбум мод тарих үндэсний хөдөлгөөн"-д нэгдэхийг уриалж, мод тарих батламжийг гардуулав.
Эко хотын нээлтийн өдөрлөгийн арга хэмжээгээр:
- Дахивар хог хаягдал авах
- Цэцгийн үзэсгэлэн худалдаа болон хүнсний ногооны үр олгох
- Мод бутны суулгац, тарьц худалдах
- Эрүүл мэндийн явуулын цэг
- Арилжааны банкны “Ногоон зээл”-ийн мэдээллийн цэг
- Татварын үйлчилгээ
- Хүүхдийн зуны зуслангийн мэдээллийн цэг ажиллаа.
