ХЭРЭГЛЭГЧИЙН ҮНЭЛГЭЭНИЙ АЖЛЫГ ЗОХИОН БАЙГУУЛАХ ТББ-ЫГ СОНГОН ШАЛГАРУУЛНА.
![ХЭРЭГЛЭГЧИЙН ҮНЭЛГЭЭНИЙ АЖЛЫГ ЗОХИОН БАЙГУУЛАХ ТББ-ЫГ СОНГОН ШАЛГАРУУЛНА.](https://sainshand.do.gov.mn/home/uploads/images/2023/11/image_750x_6544551f7894a.jpg)
Нутгийн захиргааны байгууллагаас хэрэгжүүлж буй бодлого, үйл ажиллагааны гүйцэтгэл, үр дүн болон иргэдэд хүргэж буй үйлчилгээ чанартай, хүртээмжтэй, хүнд сурталгүй, шуурхай байгаа эсэх талаар иргэдийн хандлагыг тандаж судалж, түүнд дүн шинжилгээ хийсний үндсэн дээр цаашид хэрэгжүүлэх бодлого, үйл ажиллагааг тодорхойлж, төр-иргэний хамтын ажиллагааг бэхжүүлэх зорилгоор ХЭРЭГЛЭГЧИЙН ҮНЭЛГЭЭ-г хийлгэнэ.
Хамрах хүрээ: Төрийн бус байгууллагууд
Хугацаа: 2023.11.02-2023.11.24-ний өдрийг дуустал
Гүйцэтгэх ажил, төсөлд тавигдах шаардлага: Монгол Улсын Засгийн газрын 2020 оны 206 дугаар тогтоолоор батлагдсан “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ын дагуу Сайншанд сумын Засаг даргын Тамгын газраас хэрэгжүүлж буй бодлого, үйл ажиллагаанд “Хэрэглэгчийн үнэлгээ” хийх ажлыг зохион байгуулна.
Төсөлд дараах асуудлыг бүрэн тусгаж, холбогдох дараах бичиг баримтыг хавсаргасан байна.
-Төслийн зорилго, хүлээгдэж буй үр дүн
-Төслөөр хэрэгжүүлэх арга хэмжээний төлөвлөгөө, хугацаа
-Төслийн санхүүгийн тооцоо
-Төслийн хэрэгжүүлэх мэргэжлийн баг, чадавхийн мэдээлэл
Төсөл сонгон шалгаруулалтад оролцох хүсэлтийг 2023 оны 11 дүгээр сарын 24-ний өдрийн дотор Сайншанд сумын Засаг даргын Тамгын газрын 202 тоот өрөөнд хүлээн авна.
Хэрэглэгчийн үнэлгээг хийлгэх төслийн сонгон шалгаруулалтын баримт бичгийг үндэслэн ажил үйлчилгээг гүйцэтгэх төрийн бус байгууллагыг шалгаруулах ажлыг бодлого хариуцсан нэгж зохион байгуулна.