“СОЁЛТОЙ ИРГЭН-ГОЁ ХОТ” БОГИНО ХЭМЖЭЭНИЙ БИЧЛЭГ /РИЙЛ/-НИЙ УРАЛДААН ЗАРЛАГДЛАА.
![“СОЁЛТОЙ ИРГЭН-ГОЁ ХОТ” БОГИНО ХЭМЖЭЭНИЙ БИЧЛЭГ /РИЙЛ/-НИЙ УРАЛДААН ЗАРЛАГДЛАА.](https://sainshand.do.gov.mn/home/uploads/images/2024/03/image_750x_65fa57603ad93.jpg)
“СОЁЛТОЙ ИРГЭН-ГОЁ ХОТ” БОГИНО ХЭМЖЭЭНИЙ БИЧЛЭГ /РИЙЛ/-НИЙ УРАЛДААНЫ УДИРДАМЖ
Нэг. Нийтлэг зүйл
- Зорилго: Сумын Засаг даргын “Хөгжлийн төлөө хамтдаа-2” үйл ажиллагааны хөтөлбөр, “Иргэдийн оролцоо-Хотын хөгжил” 2024 зорилтот жилийн хүрээнд иргэдийн хотын соёлын талаарх мэдлэгийг дээшлүүлэх, эерэг хандлагыг нэмэгдүүлэх, оролцоог нь дэмжих зорилгоор видео контент бүтээж, онлайн орчинд олон нийтийн дунд нээлттэй түгээх
- Хамрах хүрээ: 13-17 нас, 18-22 насны ангиллаар явагдана.
- Хугацаа: 2024.03.20-2024.04.05-ны өдрийг дуустал
Хоёр. Уралдаанд оролцогчдод тавигдах ерөнхий шаардлага
- Сэдэв: Хотын соёл нь олон нийтийн харилцан хамаарал бүхий амьдрах соёл бөгөөд түүнийг олон хүн мэдэж, хэрэгжүүлж хэвшиж сурах нь нэн чухал юм. Дараах сэдвүүдээр уралдаанд оролцох боломжтой. Үүнд:
- Хотын соёлыг хамтдаа бүтээж, хэрэгжүүлэхэд нийтийн соёлын боловсрол, мэдлэгт зориулсан /нийтийн эзэмшлийн зам талбай, бүтээн байгуулалтыг эвдэж сүйтгэхгүй, хүндэтгэлтэй хандах, хог хаяхгүй цэвэр байх, ногоон байгууламжийг хайрлан хамгаалах гэх мэтчилэн/ эерэг мэдээлэл, үйлдлийг илэрхийлсэн утга агуулга бүхий
- Хотыг хөгжүүлж, соёлжуулахад иргэдийн сайн дурын хувь нэмэр, оюуны хөрөнгө оруулалт, оролцоог илэрхийлсэн утга бүхий
- Өсвөр насныхан, залуусыг зөв соёлтой хэрэглээнд уриалж, хорт зуршлаас татгалзах уриалга бүхий /электрон тамхи, мансууруулах төрөл бүрийн эм, бэлдмэл зэргээс татгалзах, эрүүл хэрэглээг дэмжсэн/
- Эрүүл, цэвэр орчинд тайван сайхан амьдрах хэв маягийг дадал болгоход хувь нэмрээ оруулах, санал санаачлага дэвшүүлсэн утга бүхий богино хэмжээний /рийл/ видео контентийг хүлээн авна.
- Оролцох нөхцөл: 13-17 нас, 18-22 насны ангилалд явагдах бөгөөд насны ангилал тус бүрийн оролцогчид ганцаараа болон 5 хүртэлх гишүүдийн оролцоотой 1-3 бичлэгийг бүтээж, зохион байгуулагчийн цахим хаягаар оролцогчийн болон багийн нэр, бүтээлийн нэртэй хамт илгээнэ. Хүлээн авсан видеог зохион байгуулагчийн https://www.facebook.com/DornogobiSainshandZDTG фэйсбүүк хуудаст байршуулна.
- Уралдааны нөхцөл, шалгаруулалт: Уралдааны хугацаанд буюу 2024.03.20-2024.04.05-ны өдрийг дуустал бүтээлийг хүлээн авч, зохион байгуулагчийн фэйсбүүк хуудсанд бүтээл ирсэн дарааллаар нийтлэх бөгөөд тухайн бүтээлийн хандалт, сэтгэгдэл, бүтээлч байдалд тулгуурлан, мэргэжлийн шүүгчид шалгаруулна.
Гурав. Бүтээлд тавигдах шаардлага
- Уралдаанд оролцогч нь бүтээлч сэтгэлгээгээр хотын соёлоо дэлгэрүүлэх, сурталчлах чиглэлээр зохиомжилсон болон бодит үйл явдалд тулгуурлан ганцаар, 1-5 гишүүний бүрэлдэхүүнтэй бүтээсэн байж болно.
- Оролцогчийн ирүүлэх бүтээл нь эерэг хандлагатай, шинэлэг санаа сэдэлтэй, хотын соёл, зөв иргэнийг төлөвшүүлэхэд уриалсан, сануулсан, хэлсэн, сэдэл төрүүлсэн илэрхийлэлтэй байна.
- Таны бүтээл ёс зүй, гоо зүйн хэм хэмжээ, хууль зөрчөөгүй бүтээл байх /хүний эрх, зохиогчийн эрх, садар самуун, архидан согтуурах, хүчирхийлэл гэх мэт/
- Оролцогчийн ирүүлэх бүтээл нь богино хэмжээний видео буюу рийл төрлөөр нийтлэгдэх тул босоо хэмжээтэй /9*16/, 90 секундэд багтаан утга санаагаа илэрхийлсэн байна.
Дөрөв. Бүтээлийн сонгон шалгаруулалт
- Бүтээл хүлээн авах: Бүтээлийг sszdtg@gmail.com цахим хаягаар 2024.03.20-2024.04.05-ны өдрийг дуустал хүлээн авна. Оролцогчид мэйлийн subject хэсэгт багийн эсвэл оролцогчийн нэрийг, холбоо барих утасны дугаар, доод хэсэгт бичлэгийн утга санааг товчоор тайлбарлан бүтээлийг хавсарган илгээсэн байх.
- Сонгон шалгаруулалт: Оролцогчдын ирүүлсэн бүтээлийг дугаарлан, зохион байгуулагчийн https://www.facebook.com/DornogobiSainshandZDTG / Сайншанд сум/хот/-ын Засаг даргын Тамгын газар/ фэйсбүүк хуудаст нийтэлж, тухайн нийтэлсэн өдрөөс хойш уралдааны хандалт авах хугацаа буюу 2024.04.10-ны өдрийг дуустал доорх оноо өгөх аргачлалаар шалгаруулна.
- Бүтээлийн сошиал орчин дахь хандалтын үнэлгээ /бичлэг үзсэн хүний тоо, лайк, шэйр, сэтгэгдэл зэрэг/ - 70 оноо
- Мэргэжлийн шүүгчдийн үнэлгээ – 30 оноо
- Шагналын сан:
- Насны ангилал тус бүрт 2 байр шалгаруулна.
Тэргүүн байр: Өргөмжлөл, 300,000 төгрөг, ивээн тэтгэгчдийн шагнал
Дэд байр: Өргөмжлөл, 200,000 төгрөг, ивээн тэтгэгчдийн шагнал
Зохион байгуулагч:
Фэйсбүүк: Сайншанд сумын Засаг даргын Тамгын газар
https://www.facebook.com/DornogobiSainshandZDTG
И-мэйл: sszdtg@gmail.com
Утасны дугаар: 9907-1591, 9965-9940