ОЛОН УЛСЫН АХМАДЫН ӨДРИЙН БАЯРЫН МЭНД ХҮРГЭЕ.

МЭНДЧИЛГЭЭ 

Эх орныхоо хөгжил дэвшил, бүтээн байгуулалтын их үйлсэд идэр залуу нас, мэдлэг боловсрол, хүч хөдөлмөрөө зориулсан ахмад настан, азай буурлууд та бүхэндээ Олон улсын ахмадын баярын өдрийн мэндийг дэвшүүлье. 

Ахмадуудын эрх ашгийг хамгаалах, тэдний нийгэмд оруулсан хувь нэмрийг нийтэд таниулах зорилгоор Нэгдсэн Үндэстний Байгууллагын Ерөнхий ассамблейн шийдвэрээр жил бүрийн 10 дугаар сарын 01-ний өдрийг “Олон улсын Ахмадын өдөр” болгон дэлхий даяар тэмдэглэж байхаар тунхаглажээ. 
Монгол улсын нийт хүн амын 6.8 хувь буюу 223 мянга нь 60-с дээш насны ахмадууд байна. Сайншанд хотын хэмжээнд 2023 оны 9 дүгээр сарын 1-ний өдрийн байдлаар 2875 ахмад настан бүртгэлтэй байгаа бөгөөд орон нутгийн хэмжээнд ахмадуудад зориулсан төвийн бүсийн ахмадмын Сувиллын төв, Асрамжийн газрын бүтээн байгуулалтын ажлыг гүйцэтгэж, аймаг орон нутгийн хэмжээнд ахмадуудын эрүүл мэнд, амьдрах орчныг сайжруулах чиглэлээр олон арга хэмжээ зохион байгуулж, дэмжлэг үзүүлэн ажиллаж байна. 
Цаашид ахмадуудынхаа үйл хэргийг нь үргэлжлүүлэн мөнхөлж, асран тэтгэх нь үр хойч бидний эрхэм үүрэг билээ. Та бүхэндээ эрүүл энх, аз жаргалыг хүсье.

Хүндэтгэсэн, 

Сайншанд сумын Засаг дарга бөгөөд Хотын захирагч Ч.Түвшинтөр