ХӨРӨНГӨ ОРУУЛАЛТ-БҮТЭЭН БАЙГУУЛАЛТЫН АЖЛУУД #1
Дорноговь аймгийн Орон нутгийн төсвийн хөрөнгө оруулалтаар Сайншанд сумын ЕБ-ын 3 дугаар сургуулийн спорт заалны гадна фасадны засварын ажлыг "Дэнжийн цамхаг" ХХК гүйцэтгэж, хүлээлгэн өгөхөд бэлэн боллоо.
Гэрээний дүн: 71,557,492 төгрөг
Аймгийн Орон нутгийн төсвийн 125,386,800 төгрөгийн хөрөнгө оруулалтаар Сайншанд сумын 6-р багт байрлах Хамарын хийдийн тусгай хамгаалалттай газрын захиргаа ОНӨААТҮГ-т бохир соруулах автомашин худалдан авах ажил зохион байгуулагдаж, 2023.05.24-ний өдөр хүлээлгэн өглөө. Гүйцэтгэгчээр Хаштехник ХХК ажилласан байна.
Орон нутгийн төсвийн 256,971.0 төгрөгийн хөрөнгө оруулалтаар Сайншанд сумын 7-р баг 509, 509а байрны нийтийн эзэмшлийн талбайд бетон авто зогсоол байгуулах ажлын өнөөдрийн байдлаар 90%-тай үргэлжилж байна. Гүйцэтгэгчээр "Айсуй хөгжил" ХХК ажиллаж байна.
