⏳ИРГЭДЭД

Нэрт соён гэгээрүүлэгч говийн V ноён хутагт Дулдуйтын Данзанравжаагийн мэлмий гийсний 222 жил, Дорноговь аймаг байгуулагдсаны 94 жилийн ой баяр наадмын өдрүүдэд “Төв цэнгэлдэх хүрээлэн”, “Морь барианы газар”-т худалдаа, үйлчилгээ эрхлэх иргэн, аж ахуйн нэгжүүдэд “Баяр наадмын худалдаа, үйлчилгээг зохион байгуулах салбар комисс”-оос дараах чиглэлээр зөвшөөрөл олгож үйл ажиллагаанд нь хяналт тавин ажиллана. Үүнд: 1. Хоол үйлдвэрлэл, үйлчилгээ /Хуушуур, бууз, шорлог гэх мэт/2. Хүнсний бүтээгдэхүүний худалдаа /Ус, ундаа, зайрмаг гэх мэт/3. Хүнсний бус барааны худалдаа /үндэсний уламжлалт өв соёлыг илтгэсэн хувцас, тоглоом гэх мэт/4. Тоглоом /Хөдөлгөөнт, хөдөлгөөнт бус/ Сонирхсон иргэн, аж ахуйн нэгжүүд 2025 оны 07 дугаар сарын 22, 23-ны өдрүүдэд https://form.jotform.com/231978834764069 цахим сайтад бүртгүүлж, бүртгэлийн дарааллын дагуу аймгийн Засаг даргын Тамгын газрын 106 тоотоос 10:00-17:00 цагийн хооронд үйлчилгээнд ажиллах ажилчдын эрүүл мэндийн шинжилгээний дэвтэр, мэргэжлийн тогоочийн үнэмлэхтэй ирж зөвшөөрөл авч үйлчлүүлнэ үү. Баяр наадмын өдрүүдэд “Төв цэнгэлдэх хүрээлэн”, “Морь барианы газар”-т мэргэжлийн байгууллагууд өргөн бүрэлдэхүүнтэй ажиллах тул дээрх чиглэлийн үйл ажиллагаа явуулах хүсэлтэй иргэн, аж ахуйн нэгжүүд нь зөвшөөрөл авч “Баяр наадмын худалдаа, үйлчилгээ зохион байгуулах салбар комисс”-той хамтран ажиллахыг хүсье.