









Сайншанд сум /хот/-ын хүүхдийн III чуулган нь “Хотын соёл-Бидний оролцоо” уриан дор 2018 оны 01 дүгээр сарын 29-ний өдөр зохион байгуулагдлаа.Чуулганд Мэргэжлийн сургалт үйлдвэрлэлийн төв, Ерөнхий боловсролын I, II, III, IY, V сургуулийн сурагчид мөн сургууль болон багийн Нийгмийн ажилтнууд оролцсон.
Уг чуулганд “Хуулиар хамгаалагдсан хүүхэд” сэдвээр ГБХЗХГ-ын Хүүхдийн эрхийн улсын байцаагч Б.Энхтуяа, “Өсвөр үеийн эрүүл мэнд” сэдвээр ЭМГ-ын Нийгмийн эрүүл мэндийн төвийн дарга Б.Амаржаргал, “Хүүхдийн эрх зүйн орчин” сэдвээр ЦГ-ын Гэмт хэргээс урьдчилан сэргийлэх мэргэжилтэн ахлах дэслэгч Н.Ариунтуяа нар мэдээлэл хийсэн.
Оролцогчид “Хотын соёл-Бидний оролцоо” сэдвээр 8 багт хуваагдан хэлэлцэж холбогдох санал, санаачлагыг гаргалаа
Сайншанд сумын “Хүүхдийн элч”-д 1-р сургуулийн эцэг эхийн төлөөлөл О.Оюундарь, 3-р сургуулийн багш Б.Мөнхцэцэг, Засаг даргын орлогч О.Ганбат нарыг дэвшүүлж, чуулганд оролцогчдын 92%- ийн саналаар Засаг даргын орлогч О.Ганбат сонгогдлоо.