САЙНШАНД СУМ

Төрийн Байгууллагуудын Нэгдсэн Цахим Хуудас

Сайншанд суманд тавтай морил

Сайншанд сумын нийт ард иргэдийн нэрийн өмнөөс та бүхнийг манай суманд тавтай морилохыг урьж байгаадаа баяртай байна. Манай сум нь Дорноговь аймгийн төв бөгөөд Монгол улсын урд хэсэгт оршидог. Сайншанд сум нь анх 1931 онд байгуулагдсан ба өнөөдөр говийн бүсийн томоохон сум болоод байна.

Сум маань 21 гаруй мянган хүн амтай, үүний 60 –аас дээш хувь нь хөдөлмөрийн насны бөгөөд босоо тэнхэлгийн хар зам болон Олон улсын төмөр замын зангилаан дээр байрладаг, төвийн эрчим хүчний системд холбогдсон, дэд бүтэц сайн хөгжсөн хот юм.   Манай сумын 2021 он хүртэлх хөгжлийн зорилго нь хүний хөгжилд тулгуурлан нийгэм эдийн засгийг эрчимтэй хөгжүүлж, хүн амын амьдралын түвшинг тууштай дээшлүүлэн улмаар дэлхийн зах зээлд өрсөлдөх чадвартай, өндөр технологид суурилсан боловсруулах үйлдвэрлэл тэргүүлэх чиглэл бүхий төвийн бүсийн хөгжлийн тулгуур болоход оршино. Манай суманд та эрүүл агаар, цэвэр цэмцгэр гудамж, талбай, төгс шийдэл, усан оргилуур бүхий цэцэрлэгт хүрээлэн, говийн үзэсгэлэнт байгаль, 19-р зууны их соён гэгээрүүлэгч Д.Данзанравжаагийн музей зэргийг үзэж сонирхох болно. Мөн таныг манай аймагт ирснээр маш олон бизнесийн боломжууд хүлээж байна.

1931 оны 05 дугаар сарын 26-нд аймгийн анхдугаар их хурлыг 23 сумаас сонгогдсон 40 төлөөлөгчтэйгээр Сайн ус гэдэг газар хуралдуулж, аймаг төвлөрөх газрыг Далай Сайншанд хэмээн тогтсон байна. Үүнээс өмнө аймгийн төвийг Олдох, Олон шанд, Шинэ ус, Хадан хошуу, Сайн ус хэмээх газруудад төвлөрүүлж байсан юм. 1961 онд Сайншанд хот гэсэн статустай болсон.

Дорноговь аймгийн төв Сайншанд сум өөрийн аймгийн Улаанбадрах, Хөвсгөл, Сайхандулаан, Айраг, Алтанширээ, Өргөн сумдтай хиллэдэг бөгөөд сумын төв нь Улаанбаатар хотоос 463 км зайд, олон улсын харилцааны нээлттэй боомт Замын Үүдээс 245км зайд, далайн түвшинээс 938 метрийн өндөрт оршидог. Сайншанд сум нь 234.6 мянган га нутаг дэвсгэртэй бөгөөд Өмнөд говийн хэсэгт байрладаг. Цаг агаарын хувьд эх газрын хатуу ширүүн уур амьсгалтай газар. Жилийн дундаж хур тунадас 100 мм ба ихэнх тунадас зун ордог.

  1,2,3 дугаар баг нь сумынхаа төв хэсэгт байрладаг бөгөөд 4 дүгээр баг нь хойд хэсэгт, 5 дугаар баг нь төвөөсөө 45 км-ийн зайд байрладаг. Өмнөд урд хэсэг нь овоогоор хуваагдан оршидог. Зүүнбаян баг бол Монголын нефт олборлолтын томоохон суурин газар юм. Сумын төвөөсөө 46 км-т оршидог бөгөөд төмөр замаар холбогддог.

2013 оны мэдээгээр 22000 гаруй  хүн амтай гэж тоологдсон. Манай хот нь 60 гаруй мянган малтай бөгөөд зургаан ФАА үйл ажиллагаагаа явуулж байна. Манай хотод маш олон хөгжлийн боломж байна. Үүний нэг нь Сайншанд аж үйлдвэрийн цогцолбор юм. Энэхүү төслийн хүрээнд нүүрс хийжүүлэх, төмрийн үйлдвэр, газрын тос, зэс, барилгын материалын үйлдвэр баригдах болно.

Сайншанд сумын хэмжээнд аялал жуулчлалын чиглэлээр үйл ажиллагаа явуулж байгаа Таван дохио, Говийн өглөө, Ийст говь зэрэг 3 компани байдаг. Тус компаниуд нь сумын төвөөс урд зүгт 15-18 км зайтай Зээгийн хөтлийн энгэрт үйл ажиллагаа явуулдаг.

   Сайншанд сумын хэмжээнд уул уурхай ашигт малтмалын чиглэлээр тусгай зөвшөөрөлтэй 4 аж ахуй нэгж байгууллага байдаг ба Монгол Улсын Засгийн газартай бүтээгдэхүүн хуваах гэрээгээр газрын тос олборлох чиглэлээр 1 аж ахуй нэгж байгууллага тус тус байдаг.

Сайншанд сумын хэмжээнд Орон нутгийн тусгай хамгаалалттай газар нутаг 3 байдаг ба Хамарын хийд, Ханбаянзүрх уул, Хашаатын говь зэрэг нийт 14389 га газар нутгийг хамардаг. Хамарын хийд Орон нутгийн тусгай хамгаалалттай газар нутгийг аймгийн ИТХ-аар 1998 оны 12 сарын 25 ны 6/8 тоот тогтоолоор Байгаль түүх соёлын дурсгалт газрын ангилалд хамааруулж, Ханбаянзүрх уул, Хашаатын говь зэрэг газруудыг Байгаль түүхийн дурсгалт болон байгалийн нөөц газрын ангилалд хамааруулж 2005 оны 12 сарын 19 ны 3/11 тоот тогтоолоор тус тус тусгай хамгаалалтанд авсан.

ЗАХИРАМЖ ТОГТООЛ

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд
ТЕНДЕР

Өчигдөр: 17 цаг 25 минутанд

2017 оны 10 сарын 26 нд

2017 оны 08 сарын 07 нд

2017 оны 08 сарын 07 нд

2017 оны 07 сарын 21 нд

2017 оны 05 сарын 09 нд

2017 оны 04 сарын 19 нд

2017 оны 03 сарын 30 нд

2017 оны 03 сарын 30 нд

2017 оны 03 сарын 30 нд
ГАЗРЫН ЗАХИРАМЖ

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2016 оны 11 сарын 03 нд

2016 оны 11 сарын 03 нд

2016 оны 11 сарын 03 нд