Тээвэр, авто зам,харилцаа холбоо
Тээвэр: Бүс нутгийн автозамыг хөгжүүлэхтөслийн хүрээнд Азийн хөгжлийн банк, БНСУ-ын Засгийн газрын хөнгөлөлттэй зээл, Мянганы сорилтын сангийн хөрөнгө оруулалт санхүүжилтээр Чойр-Сайншанд-Замын-Үүд чиглэл буюу АН-3 чиглэлийн улсын чанартай 423 км автозам ашиглалтанд орсоноор Улаанбаатар хоттой 432 км, Замын-Үүд сумтай 232 км авто замаар холбогдож,улсын замаас Сайншандын төврүү 6.9 км байна.
Сайншандаас Хамарын хийд хүртэл 42 км авто замтай. Сайншанд нь хот дотор нийт 11,4 км авто замтай. Улсын чанартай авто замаас Сайншанд хот руу 3км замаар холбогддог. сайжруулсан 2 км автозамтай. Нийт авто замын уртыг нэгбүрчлэн үзүүлвэл:
Ноён хутагтын гудамж - /Төвийн дөрвөн замаас хойш БОС-ны саадны 3-н замын уулзвар хүртэл/-2450м
Энхтайвны гудамж - / Төвийн дөрвөн замаас урагш Дэнжийн Төмөр зам хүртэлх/- 1984м
Алтанговийн гудамж - /Төвийн дөрвөн замаас зүүн тийш МТ-н ШТС-ын гурван замын уулзвар хүртэлх/- 1650м
Шинэ зууны гудамж - / Төвийн дөрвөн замаас баруун тийш Офицерийн чиглэлд/- 695м
Залуучуудын гудамж- /Шунхлайн ШТС-н дөрвөн замын уулзвараас зүүн тийш НИК-н ШТС-н уулзвар/-1250м
Данзанваанчигийн гудамж- /Шунхлайн ШТС-н дөрвөн замын уулзвараас баруун тийш 2-р сургуулийн арын зам/- 558м
Эрх чөлөөний гудамж - /Алтанговь худалдааны төвийн гурван замын уулзвараас 5 дугаар сургууль хүртэлх/- 590м
Хүүхдийн ордон - /Хүүхдийн ордны урд зам/- 114м
Шүүхийн урд зам- 130м
Сайншанд сумын Жанчивын хэсгийн- 2000м
Орон сууцнуудыг төв замтай холбосон-300м замтай
Сайншанд хотын хэмжээнд хөнгөвчилсөн хучилттай автозам 18.1 км, цемент бетон хучилттай автозам 5.4 км, хайрган хучилттай автозам 2.2 км, 19 метр урт төмөр бетон гүүр, 93 метр бетон хоолой ашиглагдаж байна. Аймгийн төвөөс бүх сумдтай ердийн хөрсөн замаар холбогдсон.
Орон нутгийн автозамын сүлжээг сайжруулах зорилгоор орон нутгийн замын санг бүрдүүлэн ажиллаж, автотээврийн болон өөрөө явагч хэрэгслийн албан татвараас жилдээ 170-190 сая төгрөгийг орон нутгийн замын санд төвлөрүүлэн шинээр зам барих, засвар шинэчлэлийн ажилд зарцуулж байна.
2000-2010 оны хооронд 28,5 км замд 1234,3 сая төгрөгийн засвар шинэчлэл хийж, аймгийн төв болон бусад сум сууринд явган хүний зам 2.2 км-ыг 52.0 сая төгрөг, замын гэрэлтүүлэгт 150.8 сая төгрөг, замын тэмдэг тэмдэглэгээнд 11.6 сая төгрөг, гүүр хоолойн ажилд 35.2 сая төгрөгийн ажлыг хийж автозам, замын байгууламжийг тохижуулах ажилд нийт 1483.9 сая төгрөгийгулсын болон орон нутгийн хөрөнгө оруулалт, орон нутгийн замын сангийн хөрөнгөөр хийж гүйцэтгэсэн байна.
Цаашид бүс нутгийн хөгжлийн хүрээнд Сайншандаас Хамарын-хийд-Зүүнбаян-Хөвсгөл-Ханги-мандал хүртэлх чиглэлд 260 км хатуу хучилттай хар зам, Сайншандаас Сүхбаатар аймгийн Баруун-Урт сум хүртэл сайжруулсан хайрган хучилттай автозамыг улсын болон орон нутгийн төсвийн хөрөнгө оруулалт, уул уурхай компаниудын дэмжлэгтэйгээр барихаар төлөвлөөд байна.
Төмөр зам:Сайншандаар ОХУ, Монгол, БНХАУ-г холбосон төмөр зам дайран өнгөрдөг. Сайншанд өртөөний нэвтрүүлэн өнгөрүүлэх чадвар нь дунджаар өдөрт 12 ачааны галт тэрэг, 4 суудлын галт тэрэг дамжин өнгөрдөг.
Улаанбаатар-Чойр-Сайншанд чиглэлийн 286-р галт тэрэг, Улаанбаатар-Чойр-Сайншанд-Замын-Үүд чиглэлийн 276-р галт тэрэг өдөр бүр аялдаг. Улаанбаатараас Сайншанд хүртэлх галт тэрэгний билет том хүн нэг талдаа жирийн суудал 7,400 төгрөг, унтлагын суудал 13200төг, тасалгаат суудал 21500 төгрөгийн үнэтэй байдаг. /2014 оны байдлаар/. Өвөр шанд болон Ар шандад тасалбар худалдаалах салбартай.
Төлөвлөгдсөн замын сүлжээ
Төлөвлөлтөөр гол зам /өргөн 21м, нийт урт 44,2км /,
Хөдөлгөөн зохицуулах зам /өргөн 12м, нийт урт 47,5 км/,
Хорооллын дундах зам /өргөн 9 м нийт урт 67,2км/ гэсэн 3 төрлийн зам төлөвлөсөн.
Мэдээлэл , харилцаа холбооны одоогийн байдал
