САЙНШАНД СУМ

Төрийн Байгууллагуудын Нэгдсэн Цахим Хуудас



Сайншанд сум нь Дорноговь аймгийн төвийн сум бөгөөд 1931 оны  05 дугаар  сарын  26-нд  аймгийн  анхдугаар  их  хурлыг  23 сумаас  сонгогдсон   40 төлөөлөгчтэйгээр    Сайн   ус  гэдэг  газар  хуралдуулж, аймаг  төвлөрөх  газрыг  Далай  Сайншанд  хэмээн  тогтсон  байна. Үүнээс  өмнө  аймгийн  төвийг  Олдох, Олон  шанд,  Шинэ  ус,  Хадан  хошуу, Сайн  ус хэмээх газруудад  төвлөрүүлж  байсан  юм.
БНМАУ-ын Ардын Их хурлын Тэргүүлэгчдийн 1961 оны 136 дугаар зарлигаар Сайншанд хот гэсэн статустай болсон.
Өдгөө Сайншанд сум нь Улаанбаатар – Замын Үүд  босоо тэнхэлгийн засмал зам болон Олон улсын төмөр замын зангилаан дээр байрладаг, төвийн эрчим хүчний системд холбогдсон, дэд бүтэц хөгжсөн хот бөгөөд 23 гаруй мянган хүн амтай.  
Сайншанд сум нь хүний хөгжлийг дээдэлсэн, амьдрах таатай орчинг бүрдүүлсэн, байгаль орчинд ээлтэй, аж үйлдвэрлэл, аялал жуулчлалаар тэргүүлэгч, эдийн засгийн өндөр чадавхтай, хөгжлийн тулгуур хот болох эрхэм зорилготой.
Эдийн засгийн тэргүүлэх чиглэлийн хувьд эрчимжсэн мал аж ахуй болон газар тариалан, ХАА-н бусад үйлдвэрлэлийг хослуулан хөгжүүлэх, орон нутгийн нөөц баялаг боломжинд тулгуурлан олборлох болон боловсруулах үйлдвэр байгуулах, говь нутгийн болон сумын онцлог, давуу талд түшиглэсэн аялал жуулчлалыг өргөжүүлэн ажиллаж байна.

Сайншанд сум  нь 2015 оны эцэст 95990 толгой мал тоологдсон бөгөөд малын тоо толгойд биш, харин эрүүл, өндөр ашиг шимт малыг өсгөн үржүүлэх бодлого  барьж,  малчдын  зөвлөгөөн, “Монгол тэмээ” спортын наадам зэрэг арга хэмжээнүүдийг зохион байгуулж байна.
Түүнчлэн цөм сүрэг өсгөх зорилгоор өндөр ашиг шимт эцэг мал худалдан авч үржүүлж эхэлсэн бөгөөд Баяндэлгэр омгийн ямаа, үзэмчин хонь, талын улаан үүлдэрийн үхэр, Монгол үүлдэрийн адуу зэрэг гойд ашиг шимт шилмэл сүргээр малын чанар, үржлийн ажил үйлчилгээг сайжрууллаа.
Сайншанд хотыг сүү цагаан идээгээр хангах, фермерүүдийн үйл ажиллагааг дэмжих үүднээс жижиг дунд үйлдвэрийн зээл олгох, гадна дотны туршлага судлуулах, энэ чиглэлийн мэргэжилтнүүдийг урьж зөвлөгөө өгөх зэрэг арга хэмжээг зохион байгуулж байна.

Газар, тариалангийн чиглэлээр үйл ажиллагаа явуулдаг 55 иргэн, ААНБ-г 39 гаруй га талбайд төмс, хүнсний ногоо, тэжээлийн ургамал, 2500 м2 хүлэмжинд нарийн ногоо тариалж байна. Монгол төмс хөтөлбөрөөс эрт ургацын гала, солист, куарта  сортын элит үрийг авчран олгосон нь “Шинэ ургацын худалдаа”, “Дорноговь түншлэл” үзэсгэлэн худалдаа зохиогдох үеэр үр дүн гарч төмс, хүнсний ногооны ургац урьд өмнөх жилүүдийнхээс 2 - 3 дахин  өслөө.

Сайншанд суманд гадаад, дотоодын аялагчид, жуулчдын сонирхдог гол зүйл нь дэлхийн өвд бүртгэгдсэн ноён хутагт Данзанравжаагийн музей, түүний үүсгэн байгуулсан Хамарын хийд, Шамбалын орон орчмын шашин, түүхийн дурсгалт газрууд юм.  Жил бүр маш олон жуулчид Хамарын хийд, Шамбалын орон, ноён хутагтын музейгээр зочилохоор хүрэлцэн ирж энэхүү тоо өдгөө нэг зуун мянга гараад байна.  
Сайншанд хотод гадаад, дотоодын жуулчдыг татаж буй нэгэн үзмэр нь Чингис хааны Их цагаан туг юм.  
Чингис хааны төрийн их цагаан сүлдний дагуул 8 тугийн нэг бага цагаан тугийг хааны удмын тайж нар үе залгамжлан тахиж ирсний дотор Мэргэн ван Гүршихийн эзэмшилд, Дорноговь аймгийн Хөвсгөл сумын нутагт Хутаг уул, Авдрантай уулын зүүн талд байх Сүлдэн хөх толгойд тахиж байжээ. Энэхүү тугийг Сайншанд сумын орон нутгийн музейд хадгалан жуулчдад сонирхуулж байна.
Сүүлийн жилүүдэд дээрх түүхэн дурсгалт эд зүйлс, газар орныг дагасан түүх, танин мэдэхүйн аялал, шашин мөргөл, бясалгалын аялал, тэмээн аялал зэрэг аялалын төрлүүд хөгжиж байна.

Гадаад харилцааг өргөжүүлэх бодлогын хүрээнд Үндэсний хөгжлийн цогц бодлого, Үндэсний аюулгүй байдлын болон гадаад бодлогын үзэл баримтлал, Засгийн газрын үйл ажиллагааны хөтөлбөр, бүсчилсэн хөгжлийн үзэл баримтлалд тулгуурлан гадаад харилцааг эдийн засгийн хамтын ажиллагааны нэгдмэл байдал, олон тулгуурт эрх тэгш, харилцан ашигтай байх зарчмыг баримтлан хөгжүүлэх зорилт тавин ажиллаж байна. Энэхүү зорилтын хүрээнд Ази номхон далайн бүсийн Олон улсын эрүүл хотуудын холбоо, Дэлхийн Түрэг үндэстний холбоо, Торгоны зам Монгол, Хятад, ОХУ гурван улсын холбоо, Турк улсын Дучи хот, Япон улс Шизүока муж Дорноговь аймгийн хамтын ажиллагааны хүрээнд цэвэр, бохир усны судалгаа, ӨМӨЗОрны Эрээн, Бугат, Урадын хойд хошуу зэрэг улс орны хот, мужуудтай  соёл боловсрол, эдийн засаг зэрэг бүхий л хүрээнд найрсаг хамтын ажиллагаа тогтоолоо.  
Сайншанд сумын Засаг даргын Тамгын газар нь иргэдийнхээ аюулгүй, амар тайван орчинд амьдарч, төрийн үйлчилгээг түргэн шуурхай хүргэх зорилгоор жил бүр зорилт тавин ажиллаж ирлээ.
Тухайлбал
2009 он “Хариуцлагыг дээшлүүлнэ, хандлагыг өөрчлөнө”
2010 он “Санаачилгыг дэмжинэ, соёлжилтыг дээшлүүлнэ”
2011 он “Хөдөлмөр эрхлэлтийг дэмжих”
2012 он “Өрхийн хөгжлийг дэмжих”
2013 он “Эгэл таны оролцоотой Элгэмсэг хотоо хөгжүүлье”  Иргэдийн оролцоог дэмжих жил
2014 он “Элгэмсэг нутагт тавтай морил”  Аялал жуулчлалыг дэмжих жил
2015 он  “Баялаг бүтээгчдийг дэмжих жил”
2016 он “ Өрх бүрийн орлогыг нэмэгдүүлэх жил”  болгон ажиллаж байна.  
Шагнал урамшуулал:
Монголын хотуудын холбооноос санаачлан хотуудын дунд зохион байгуулдаг шалгаруулалтанд Сайншанд сум нь 2011 оны “Бүсийн бүтээлч хот”, 2012 оны “Монгол улсын цэвэрч хот” мөн ондоо Монгол улсын Татварын Ерөнхий газрын “Хүндэт өргөмжлөл” –өөр шагнагдсан.
“Дорноговь түншлэл – 2012” үзэсгэлэн худалдаанд орон нутгийн брэнд бүтээгдэхүүн үйлдвэрлэгч аж ахуй нэгж, иргэдээ амжилттай хамруулж “Шилдэг сум”
“Монгол тэмээ – 2010, 2012” наадмын дэд байр,  
2013 онд Авлигын эсрэг Олон улсын өдрийг тохиолдуулан Авлигатай тэмцэх газраас сайн засаглалыг хэрэгжүүлэх ажлын хүрээнд зохион байгуулдаг уралдаанд “Сайн туршлагыг түгээгч байгууллага”
2014 онд “Авлигаас ангид, сайн засаглалын туршлага” уралдаанд авлигын эсрэг үйл ажиллагааг тогтмол зохион байгуулж Монгол улсын “Авлигаас ангид сайн засаглалын сайн санаачилга” шагналын эзэн
2014 он “Дорноговь бага олимп” спортын анхдугаар наадамд амжилттай оролцож “ДЭД” байр
Засгийн газрын үйл ажиллагааны хөтөлбөр, аймгийн Засаг даргын “Шинэ Дорноговь -2” тогтвортой хөгжлийн хөтөлбөрийг хэрэгжүүлэх үйлсэд бодитой хувь нэмрээ оруулж, хамт олноороо идэвх, санаачилгатай ажиллаж 14 сумандаа 2012 онд 3 дугаар, 2013 онд 2 дугаар байр, 2014 онд 1 дүгээр байр, 2015 онд 2 дугаар байрыг тус тус эзэлсэн амжилтыг гаргаад байна.
 

Үзсэн:  88  |  2016 оны 08 сарын 16 нд  |   Дэлгэрэнгүй...


ОРОН  НУТГИЙН  ТӨСӨВ  /сая  төгрөг/

Үзсэн:  106  |  2015 оны 04 сарын 09 нд  |   Дэлгэрэнгүй...


               МАЛ АЖ АХУЙН САЛБАРЫН ХӨГЖЛИЙН ҮЗҮҮЛЭЛТҮҮД

Үзүүлэлтүүд

2009

2010

2011

2012

2013

Малын нийт тоо

49321

52418

60795

68141

77446

Тэмээ

1618

2087

2123

2302

2482

Адуу

9159

3346

3963

4559

5237

Үхэр

1488

1662

2033

2284

2760

Хонь

17903

19351

22854

26112

29509

Ямаа

25153

25972

29822

32884

37458

Цэвэр  эрлийз малын тоо

8852

11519

11841

12514

13392

Үхэр

86

124

126

137

148

Хонь

211

1845

1900

2090

2236

Ямаа

8555

9550

9815

10287

11008

Хашаатай малчин өрхийн эзлэх хувь

57.1

69.4

91.9

80.4

85.6

Бэлчээрийн усан хангамжийн хувь

 

 

7

1

3

Хадсан өвс, тэжээл бэлтгэл

72

178.3

152.5

236

294.5

Үзсэн:  215  |  2015 оны 04 сарын 09 нд  |   Дэлгэрэнгүй...


САЙНШАНД  СУМЫН  ХӨГЖЛИЙН  ЗАРИМ  ҮЗҮҮЛЭЛТҮҮД

 

ГАЗАР ТАРИАЛАНГИЙН САЛБАРЫН ХӨГЖЛИЙН ҮЗҮҮЛЭЛТҮҮД

 

Үзүүлэлт

2009

2010

2011

2012

2013

Тариалсан талбай, га

28.4

28.1

25.8

25.3

24.1

Төмс

13.4

Хүнсний ногоо

3.2

Хураасан ургац, тн

75.7

160.5

137.7

249.8

98.1

Төмс

44.5

70.5

57.2

58.6


Хүнсний ногоо

31.2

90.3

80.5

63.2

90.2

Үзсэн:  132  |  2015 оны 04 сарын 09 нд  |   Дэлгэрэнгүй...

Газрын  тосны  олборлолт, экспортын  үйл  ажиллагаа

Газрын  тосны  олборлолт  Зүүнбаян  Цагаан  элсний  орд  газраас  1998-2012 оны  хооронд  нийт 3,12 сая  баррель  буюу  436,8 мянган  тонн  газрын  тос  олборлож, 3,06 сая  баррель  буюу 429,1 мянган  тонн  газрын  тос  БНХАУ-д  экспортлож,  газрын  тосны  орлогоос  нийт  80,8  тэрбум  төгрөгийг  Монгол  улсын  төсөвт  төвлөрүүлсэн  байна.

2013 онд  БХГ-97  талбайгаас  нийт  464  мянган  баррель  буюу  65  мянган  тонн  газрын  тос  олборлож, экспортлох  төлөвлөгөөтэй  байгаагаас  2013.01.01-2013.04.03-ны  хооронд  нийт 158,6 мянган  баррель  буюу  22,4  мянган  тонн  газрын  тос  олборлож, 157,5 мянган  баррель  22  мянган  тонн  түүхий  тос  БНХАУ-д  экспортлоод  байна.
Үзсэн:  249  |  2015 оны 04 сарын 09 нд  |   Дэлгэрэнгүй...

 Уур амьсгал

Тус суманд өвлийн улирал харьцангуй богино, дулаавтар, хавар намар нь бусад улирлаас урт, хаврын улиралд хүчтэй ба онц аюултай шороон ба цасан шуурга нэлээд ажиглагдаж, зун нь халуун хуурай, хур тунадас бага унадаг онцлогтой.
Энэ сумын нутаг дэвсгэр болон Дорноговь нь өргөрөгийн 42-46о- т орших учир нийлмэл цацрагийн хэмжээ 120-140 ккал/см2 буюу 5028-5866 мдж/м2хүрдэг.
Салхины горимын хувьд тус сумын нутаг байнгын салхитай байх зүй тогтолтой бүс нутагт хамаардаг нь салхины нөлөөгөөр газрын гадаргын өгөршил он жилээр гүнзгийрэх, хөрсний чийгийн ууршил ихсэн, өвс ургамал жилээс жилд тачирсдаг үндсэн нөхцөлтэй.
Тус суманд ихэвчлэн баруунаасаа 9-11м/с салхилдаг, зарим үед 35м/сек хүртэл ширүүсч шороон шуурга шуурна. Хүчтэй салхитай /15м/сек-с хүчтэй/ өдрийн тоо Сайншанд сум орчимд 31 өдөр хүрдэг. Шороон шуурганы үргэлжлэх хугацаа 15 минутаас 2 цаг байдаг.
Сайншанд сум нь уур амьсгалын хуурай, нэн хуурай  мужид багтдаг.Аймгийн хувьд жилд 80 мм-с их хур тунадас унах магадлал 95%, 220мм-с их хур тунадас унах нь дөнгөж 5% байна. Хур тунадасны ихэнх нь буюу 84-95% дулааны улиралд, хамгийн бага буюу 0-2 мм нь өвлийн улиралд унана. Жилийн нийт хур тунадастай өдрийн тоо 56 байна. Агаарын жилийн дундаж температур +40+50С байна.
Үзсэн:  494  |  2015 оны 04 сарын 09 нд  |   Дэлгэрэнгүй...

  Сайншанд  сумын  хөгжлийн  товч  танилцуулга 

Сайншанд  сум   байгуулагдсан  түүх: 1931 оны  05 дугаар  сарын  26-нд  аймгийн  анхдугаар  их  хурлыг  23 сумаас  сонгогдсон   40 төлөөлөгчтэйгээр    Сайн   ус  гэдэг  газар  хуралдуулж, аймаг  төвлөрөх  газрыг  Далай  Сайншанд  хэмээн  тогтсон  байна. Үүнээс  өмнө  аймгийн  төвийг  Олдох, Олон  шанд, Шинэ  ус,  Хадан  хошуу, Сайн  ус  хэмээх  газруудад  төвлөрүүлж  байсан  юм.
Захиргааны  статусын  хувьд  Сайншанд  нь  1931 оноос  1954 онд  хороо, 1956 оноос  аймгийн  төвд  гурван  хорин, төмөр  замд  хоёр  хоринтойгоор  зохион  байгуулагдаж,  БНМАУ-ын  Ардын  Их  Хурлын  Тэргүүлэгчдийн  1961 оны  06 дугаар  сарын  20-ны  өдрийн  136 дугаар  зарлигаар  Сайншанд  хот  болгон  баталсан. 
Үзсэн:  185  |  2015 оны 04 сарын 09 нд  |   Дэлгэрэнгүй...
ЗАХИРАМЖ ТОГТООЛ

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд

2017 оны 11 сарын 08 нд
ТЕНДЕР

2017 оны 11 сарын 20 нд

2017 оны 10 сарын 26 нд

2017 оны 08 сарын 07 нд

2017 оны 08 сарын 07 нд

2017 оны 07 сарын 21 нд

2017 оны 05 сарын 09 нд

2017 оны 04 сарын 19 нд

2017 оны 03 сарын 30 нд

2017 оны 03 сарын 30 нд

2017 оны 03 сарын 30 нд
ГАЗРЫН ЗАХИРАМЖ

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2017 оны 01 сарын 04 нд

2016 оны 11 сарын 03 нд

2016 оны 11 сарын 03 нд

2016 оны 11 сарын 03 нд

Лавлах утас: 70523737

Цахим өргөдөл гомдол: 70523737.sainshand.do.gov.mn

ФБ хаяг: Сайншанд сум /хот/-ын Засаг даргын Тамгын газар